ТАЛПЫНЫС

Әрбір қызметкер үздік нәтижеге жетуге, кәсіби тұрғыдан өзін-өзі танытуға, білімнің жаңа қырларын тануға және өздігінен дамуға талпынады. Өмірдің ағысымен ғана жүзетін жігерсіз адам өзі де дамымайды, компанияны да дамытуға үлес қоспайды. Кәсіби өрлеу, қызметті жоғарғы үлгілер мен стандарттар деңгейінде орындау, шеберлікпен игеру – жоғарғы нәтижелерге қол жеткізуге деген сенімділікті арттырады. Біз әрқашан алға ұмтылып, жаңа белестерді бағындыруға талпынамыз.

БОЛЖАУ

Табысқа жетудің басты жолы – оны болжау. Істің, бизнестің, кез-келген бастаманың табысты болуына деген толық сенімділік өз-өзіңе, білімің мен қабілетіңе, идеяң мен өз командаңа сенуге негізделген. Еңбек ете отырып, біз нәтижеге қол жеткізуге ұмтыламыз және алға қойған жобаларымыздың жүзеге асатындығына сенімдіміз. Табысқа ұмтыла отырып, біз бар назарымызды қол жеткізгенімізге емес, неге қол жеткізгіміз келетіндігіне аударамыз.

ЖЕТІСТІК

Біз сәтсіздіктерден қорықпаймыз, өйткені жеңіліссіз жетістікке жету мүмкін емес. Біз қателіктерден сабақ аламыз, бизнесіміз табысты болуы үшін тәжірибе жинаймыз. Біз кішігірім жетістікті де бағалаймыз, себебі ол үлкен қадамға апаратын кезекті қадам. Біз оңай жетістіктер мен арзан мақсатты қанағат тұтпаймыз, жұмысты үздік атқаруға тырысамыз, жоғары нәтижеге қол жеткізе отырып, жетістікке жеткенімізге шаттанамыз. Жеткен жетістігіміз сенімділік пен шабыт береді.